- Apuntes sobre cor
- Teoría da cor e propiedades
- O círculo cromático
- Cores complementarias
- Cores cálidas e frías
- Formas compositivas da cor
- Cor na tipografía
A cor fálanos. É importante recordar que as cores teñen asociacións simbólicas. O vermello, por exemplo, asóciase co lume, e considéraselle cálido e enérxico, mentres que o azul é tranquilo e frío. As cores que elixa terán un impacto inmenso na sensación que creen os seus deseños e na forma como a xente responderá a eles.
As distintas combinacións de cores tamén provocan sensacións. Para transmitir harmonía, use cores análogas, é dicir, que estean preto no círculo cromático, como azuis e verdes. Para crear tensión e dinamismo, use cores contrarias que estean en lados opostos no círculo, como o vermello e o verde. Esta combinación desentoa, pero é atraente e xera unha emoción rápida.
DECISIÓNS DE DESEÑO
Algunhas cores parece que avanzan, e outros, en cambio, parece que retroceden. Se quere que algo pareza que se achega ao espectador, as cores cálidas como vermellos e laranxas son a menor opción. Ao lado do vermello, parece que os azuis e os verdes retrocedan. No círculo cromático, as cores harmoniosas están preto entre si, como por exemplo o amarelo e o verde, ou o azul e o verde. As cores complementarias están en lados opostos do círculo, como o vermello e o verde, ou o amarelo e a violeta. Estas combinacións son vibrantes e están cheas de tensión. Os amarelos son máis delicados e menos rechamantes que os vermellos. Dentro dun matiz hai distintas intensidades; cambiando o ton pode crear múltiples variacións da mesma cor.
TERMINOLOXÍA DA COR
Cando se traballa coa cor, é necesario coñecer tres termos: matiz (a cor pura, como vermello, azul, e verde); ton (a luminosidade ou escuridade dunha cor); e saturación (unha escala de maior intensidade, como vermello vivo, a menor intensidade, como verde escuro).
Cando se combina texto e cor, se obtén lexibilidade a partir do contraste. O maior contraste obtense coa letra en grosa sobre fondo branco. A variedade entre estes dous é extensa. Canto máis se aproxima a cor do fondo ao do texto, menor é a lexibilidade que se obtén.